Hródź bu 1786 natwarjena. Přizemjo wužiwachu něhdy
jako hródź a kurjenc. Tež za plahowanje hołbjow bě tam městno.

Z podpĕru zarjada za noworjadowanje wsow dόsta hrόdź nowe kόzły. Třĕcha je z originalnymi cyhelemi znowa zakryta. Z dwora je natwarjena pawlača (podest) ze schodom.

W jednym dźělu na prěnim poschodźe nasta kuchnja,
w tamnym wjetša žurla – tak mjenowana synowa łubja –
za něhdźe 80 ludźi, na kotrejž móžeće swójbne swjedźenje a kwasy swjećić (podruž na naprašowanje).

Dokelž so na statoku hdys a hdys dworowe swjedźenje wotmĕwaja, nasta w přizemju twara sanitarna připrawa
z nuznikami. Swjedźenje maja rozdźělny charakter, předewšĕm pak słuža wone pěstowanju hornjo- a delnjo- serbskeje kaž wšeje słowjanskeje kultury.

Na 2. poschodźe je zhromadna přebywarnja za hač do 11 wosobow (skupiny hač do 30 wosobow su na naprašowanje tohorunja móžne). Na něhdźe 180 m² bydlenskeje přestrjenje su 2 spanskej rumnosći, 2 kupjeli a stwa z WLAN-telewizorom. Kuchnja je na 1. poschodźe.

Přijomna a spodobna atmosfera zaruča dobre wočerstwjenje.

Podruž za přebytk wučinja za hač do 4 wosoby 60 € na nóc. Za kóždu dalšu wosobu wučinjeja kóšty přidatnje 7 € na nóc (za dźěći hač do 6 lět je přenocowanje darmotne).
W płaćiznje zapřijate su kóšty za rjedźenje, poćehnjenja, trjenja (jedne trjenjo za kupjel a kuchnju), milina, płun, woda, tepjenje a internet.

W zymskich měsacach (wot decembra do februara) je přebytk znajmjeńša 3 nocy – w tamnych měsacach 2 nocy.